Colossians 3
1ដូច្នេះបើសិនជាអ្នករាល់គ្នាបានរស់ឡើងវិញរួមជាមួយព្រះគ្រិស្ដមែនចូរស្វែងរកអ្វីៗដែលនៅស្ថានលើជាស្ថានដែលព្រះគ្រិស្ដគង់ខាងស្ដាំនៃព្រះជាម្ចាស់នោះវិញ។ 2ចូរគិតពីអ្វីៗដែលនៅស្ថានលើកុំគិតពីអ្វីៗដែលនៅផែនដីឲ្យសោះ។ 3ដ្បិតអ្នករាល់គ្នាបានស្លាប់ហើយរីឯជីវិតរបស់អ្នករាល់គ្នាក៏បានលាក់ទុកជាមួយព្រះគ្រិស្ដនៅក្នុងព្រះជាម្ចាស់ដែរ។ 4ពេលព្រះគ្រិស្ដដែលជាជីវិតរបស់អ្នករាល់គ្នាបង្ហាញខ្លួននោះអ្នករាល់គ្នាក៏នឹងបង្ហាញខ្លួនជាមួយព្រះអង្គនៅក្នុងសិរីរុងរឿងដែរ។ 5ដូច្នេះចូរសម្លាប់អ្វីៗខាងលោកិយចោលទៅគឺអំពើអសីលធម៌ខាងផ្លូវភេទសេចក្ដីស្មោកគ្រោកតណ្ហាថោកទាបសេចក្ដីប៉ងប្រាថ្នាអាក្រក់និងសេចក្ដីលោភលន់ដែលជាការថ្វាយបង្គំរូបព្រះ 6ដ្បិតដោយព្រោះតែអំពើទាំងនោះហើយបានជាសេចក្ដីក្រោធរបស់ព្រះជាម្ចាស់ធ្លាក់លើពួកកូនដែលមិនស្ដាប់បង្គាប់ 7ហើយកាលពីមុនពេលអ្នករាល់គ្នារស់នៅក្នុងចំណោមអ្នកទាំងនោះក៏បានប្រព្រឹត្ដអំពើទាំងនោះដែរ 8ប៉ុន្ដែឥឡូវនេះចូរអ្នករាល់គ្នាលះបង់អំពើទាំងអស់នោះចោលទៅគឺចិត្ដក្ដៅក្រហាយកំហឹងសេចក្ដីអាក្រក់ការជេរប្រមាថនិងពាក្យមិនសមរម្យចេញពីមាត់របស់អ្នករាល់គ្នា 9កុំកុហកគ្នាឡើយដ្បិតអ្នករាល់គ្នាបានដោះមនុស្សចាស់ជាមួយនឹងការប្រព្រឹត្ដិរបស់វាចោលហើយ 10រួចអ្នករាល់គ្នាក៏បានពាក់មនុស្សថ្មីដែលកំពុងផ្លាស់ប្រែជាថ្មីខាងឯការយល់ដឹងដើម្បីឲ្យត្រូវនឹងរូបអង្គរបស់ព្រះដែលបានបង្កើតមនុស្សថ្មីនោះ 11នៅសណ្ឋាននោះលែងមានជនជាតិក្រេកឬជនជាតិយូដាពួកកាត់ស្បែកឬពួកមិនកាត់ស្បែកពួកមនុស្សព្រៃឬពួកជនជាតិភាគតិចបាវបម្រើឬអ្នកមានសេរីភាពទៀតហើយព្រោះព្រះគ្រិស្ដជាទាំងអស់ហើយគង់នៅក្នុងអ្វីៗទាំងអស់។ 12ដូច្នេះដោយព្រោះព្រះជាម្ចាស់បានរើសតាំងអ្នករាល់គ្នាជាពួកបរិសុទ្ធនិងជាទីស្រលាញ់របស់ព្រះអង្គចូរពាក់ចិត្ដអាណិតអាសូរចិត្ដសប្បុរសចិត្ដសុភាពចិត្ដស្លូតបូតនិងចិត្ដអត់ធ្មត់ចុះ 13ចូរទ្រាំទ្រគ្នាទោះបីមានរឿងអ្វីមួយទាស់នឹងអ្នកណាក៏ដោយត្រូវលើកលែងទោសឲ្យគ្នាទៅវិញទៅមកដ្បិតព្រះអម្ចាស់បានលើកលែងទោសឲ្យអ្នករាល់គ្នាជាយ៉ាងណាអ្នករាល់គ្នាក៏ត្រូវធ្វើដូច្នោះដែរ 14លើសពីសេចក្ដីទាំងអស់នេះចូរពាក់សេចក្ដីស្រលាញ់ដែលនាំឲ្យមានការរួបរួមគ្នាយ៉ាងគ្រប់លក្ខណ៍ចុះ។ 15ចូរឲ្យសេចក្ដីសុខសាន្ដរបស់ព្រះគ្រិស្ដគ្រប់គ្រងនៅក្នុងចិត្ដរបស់អ្នករាល់គ្នាដ្បិតព្រះជាម្ចាស់បានត្រាស់ហៅអ្នករាល់គ្នាឲ្យចូលមកក្នុងរូបកាយតែមួយដើម្បីសេចក្ដីនោះឯងហើយចូរអរព្រះគុណផង។ 16ចូរឲ្យព្រះបន្ទូលរបស់ព្រះគ្រិស្ដស្ថិតនៅក្នុងអ្នករាល់គ្នាជាបរិបូរហើយបង្រៀននិងទូន្មានគ្នាដោយប្រាជ្ញាគ្រប់បែបយ៉ាងទាំងច្រៀងទំនុកតម្កើងទំនុកបរិសុទ្ធព្រមទាំងចម្រៀងខាងវិញ្ញាណថ្វាយព្រះជាម្ចាស់ដោយអរព្រះគុណព្រះអង្គនៅក្នុងចិត្ដចុះ។ 17ការអ្វីក៏ដោយដែលអ្នករាល់គ្នាធ្វើមិនថាពាក្យសំដីឬការប្រព្រឹត្ដិក្ដីចូរធ្វើការទាំងអស់នៅក្នុងព្រះនាមព្រះអម្ចាស់យេស៊ូចុះទាំងអរព្រះគុណព្រះជាម្ចាស់ជាព្រះវរបិតាតាមរយៈព្រះអង្គ។ 18ប្រពន្ធរាល់គ្នាអើយ! ចូរចុះចូលនឹងប្ដីរបស់ខ្លួនចុះដោយព្រោះជាការសមរម្យនៅក្នុងព្រះអម្ចាស់។ 19ប្ដីរាល់គ្នាអើយ! ចូរស្រលាញ់ប្រពន្ធរបស់ខ្លួនចុះកុំមួម៉ៅដាក់នាងឡើយ។ 20ក្មេងរាល់គ្នាអើយ! ចូរស្ដាប់បង្គាប់ឪពុកម្ដាយនៅក្នុងការទាំងអស់ដ្បិតនេះជាការដែលព្រះអម្ចាស់សព្វព្រះហឫទ័យ។ 21ឪពុករាល់គ្នាអើយ! ចូរកុំរករឿងធ្វើឲ្យកូនរបស់ខ្លួនខឹងឡើយក្រែងលោវាខូចចិត្ត។ 22បាវបម្រើរាល់គ្នាអើយ! ចូរស្ដាប់បង្គាប់ចៅហ្វាយខាងសាច់ឈាមនៅក្នុងការទាំងអស់ចុះមិនមែនបម្រើតែក្នុងការដែលគេមើលឃើញដូចជាចង់ផ្គាប់ចិត្ដមនុស្សឡើយគឺត្រូវធ្វើដោយចិត្ដស្មោះត្រង់ទាំងកោតខ្លាចព្រះអម្ចាស់ 23ហើយការអ្វីក៏ដោយដែលអ្នករាល់គ្នាធ្វើចូរធ្វើឲ្យអស់ពីចិត្ដចុះដូចជាបម្រើព្រះអម្ចាស់មិនមែនដូចជាបម្រើមនុស្សទេ 24ដោយដឹងថាអ្នករាល់គ្នានឹងទទួលបានមរតកជារង្វាន់ពីព្រះអម្ចាស់ដ្បិតអ្នករាល់គ្នាបម្រើព្រះគ្រិស្ដជាព្រះអម្ចាស់។ 25អ្នកណាធ្វើខុសអ្នកនោះនឹងទទួលផលតាមដែលធ្វើខុសហើយព្រះអង្គមិនមានសេចក្ដីលំអៀងឡើយ។
Copyright information for
KhmKCB